Музей-заповедник «Лудорвай».

Одӥгез тужгес но данъяськымон интыез Удмуртилэн – инбам улын музей-заповедник «Лудорвай», Ижкар центырысь отчы мыноно ӝыны час пала гинэ.

Лудорвайын тросгес тодыны луэ вашкала удмуртъёслэсь культуразес, вöсяськон сямъёссэс, улэмзэс. Отын туж чебер инкуазь, лэсьтыны луэ фотосессия, веръяны удмурт национальной сиёнъёсты, и просто шутэтскыны.

«Лудорвай» музейын возьматэмын кöня ке пичи гуртъёс. Вань ӟуч сектор, озьы ик вань северной, центральной но южной удмуртъёслэн усадьбаоссы. Каждоезлэн аслаз аспöртэмлыкез, культураез, традициез и улэмез.

Экскурсиоз туж интересноесь луо. Но самой интересноез возьма экскурсия бере. Ваньзэ сюдо перепечен но табанен. Кудъёсыз пыжемын бадӟым гурын. Озьы ик турын – куарен чай пöзьто. Куке нош курытсэгес но – «пöсятэм» юо.